Трет Втори Август?!?

Мојата теорија дека и покрај затворањето на кутиите во 19 часот, на 8 септември 1991 година, до озваничувањето на резултатите од референдумот поминаа 2 часа, е точна. Тоа го потврдија Јове Кекеновски (и уште еден тогашен учесник во настаните, во статија на „Сакам да кажам“). За тоа пишував во еден пост на Астролошки Разговори пред неколку години, профил кој ФБ реши да ми го суспендира. Згрешив што постовите не си ги објавував  и на блогот, со што ќе останеа сочувани.

Неколкупати со своите анализи (кои неретко забележував дека се копирани од квази-астролози) покажав дека достојното толкување на астрологијата, без многу ем

оции, но и без тенденции од било каков вид, може да вроди со плод и да донесе јасна рамка за сликата која ќе се одвива во периодот кој следува.

Пред неколку години, објавено на мојот блог, предвидов дека следуваат големи немири во светот, со Уран во Бик, и дадов една анализа. Во истата, сугерирам дека на секои 80 години, со влегувањето на Уран во Бик, во светот се случува голема војна, од светски размери. Секако, војни, за жал, имало и во други периоди, но се работи за силината и ударот на последиците во периодот кој следувал. Обично станувало збор за конфликт помеѓу новото, Уран, наспроти старото, Бик, или човечкото и духовното, наспроти материјалното и рутинското... 

Од 5 јули 2022, па во наредните 2 месеци, Марс ќе транзитира низ Бик. И Марс и  Уран се во Бик, а ниту Марс ниту Уран не се на своите места кога се во Бик. Бик е земја, Уран е невреме, а Марс агресија, разорување на земјата.

Ова не се добри сигнали за светските прилики. Може да се очекува да ескалираат тензиите меѓу земјите и конфликтите да почнат да се водат и надвор од специјалната војна која досега се води, односно онаа на вирусите, економијата, санкциите и тн.

Што ќе се случува со Македонија?

Според 8 септември 1991, во 21 часот, транзитирачкиот Уран од февруари 2022 влегува во прво поле на Република Македонија. Праксата вели дека Уран во дирекции во прво поле значи побуни, штрајкови, протести, анархија, критика на владата. Француската и Октомвриската револуција биле кренати во период кога Уран се наоѓал во 1 поле, дали транзитно, дали при квартални хороскопи за Русија и Франција.

Со транзитите, од 21 јули Марс влегува во 1 поле во хороскопот на Република Македонија. Тука се заедно со Уран, а тоа никако не е поволна ситуација. Првото мундано поле означува народ, а Марс во 1. значи напад, агресија, незадоволство, воено расположение и можност за војна. Комбинирано со Уран, претпоставете го исходот... Екстремно лоша дата за РМ е 30 и 31 јули, кога транзитните Уран и Марс доаѓаат во конјункција и обете во опозиција на Плутон од 1991 година. Нагласено уште и транзитен Сатурн (најлошата планета) во опозиција со Венера од 1991 - Венера е владетел на 1. од хороскопот на Македонија од 1991, значи народ - уште еден неповолен параметар. Сето тоа во предвечерјето на денот на Македонската државност, 2 август. Земено во предвид со сето она што се случуваше по улиците на Скопје изминативе две недели, губам волја за да синтетизирам и да влечам заклучоци.

Секако, можеби и сето ова да нѐ одмине, на што искрено се надевам. Очекувам дека сите ситуации кои ќе произлезат, ќе бидат пребродени без ескалација и без големи проблеми, а учесниците во истите ќе задржат студени глави...

Живот во друга димензија - Уран и Алгол на Асцендент: Никола Тесла

Раѓајќи се еднаш во 1000-2000 години, пред 166 години на 19 јули 1856 Тесла стана инкарнација на модерен Прометеј, кој украде од Боговите и им го даде на луѓето божјиот оган. Можам да ја споредам неговата судбина дека е слична дури и со онаа на Исус, кој живееше и го жртвуваше својот живот за да ги спаси луѓето од гревовите и да им го покаже вечниот живот.

Тесла го посвети својот живот на човештвото, давајќи им комплетно бесплатна, слободна енергија, бежична струха толку моќна, а безбедна, вечна, неисцрпна, и тоа напојувана од самата Земја.

Правејќи го тоа, тој отиде дури над материјалните планови во духовните, докажувајќи го постоењето на петтиот елемент, етерот. Тој беше вистинско отелотворување на суперчовек, надчовек, кој се верува дека ја отклучи суштината на животот и постоењето на земјата.

Научувајќи ја лекцијата на „потешкиот начин“ со Прометеј и Исус, откога ја сфатија поентата на неговата работа, владејачката класа на нашето време го запре Тесла во неговиот потфат да му го даде клучот на бесплатната енергија на човештвото, во помошта да станат подобри и посовршени луѓе; му ја срушија кулата во Колорадо и го натераа да живее повлечен, аскетски живот во обичен хотел во Њу Јорк. По неговата смрт, сите негови дела беа конфискувани, а нам ни беа оставени само оние со „најизменичната струја“, која не е бесплатна, не е самоодржлива, доаѓа со броило и со поента да биде наплатена, да не ви е достапна ако не платите, оставајќи го човештвото во зависност, ропство кон дистрибуцијата, кон „мрежата“, практично кон целиот систем.

Многумина крадеа од него, но нему не му беше грижа, тој беше среќен дека нешто кое што пронашол (тој преферираше „препознал“), би било „дозволено“ да биде воведено „преку некој друг“. Радио фрекфенциите и безжичниот сигнал и интернет се базирани на неговите откритија.

Астролошки? Целата поента е во моментот на раѓањето. Неговата душа е отелотворена во најчудниот можен момент! Погледнете го неговиот Асцендент. Таму е Уран, и фиксната ѕвезда Алгол, на 24 степени. Тука нема ништо од Ракот, ниту од Бикот, но се е Водолија: жртва кон човештвото, и Алгол: над разбирливото, над нашата перцепција, со друга фрекфенција, од друг свет...

УРАН ВО БИК, или рушење на старото и насилно инсталирање на новото

Пост напишан за порталот Слободен Ум

Не знам поради кои причини, мојот профил на Фејсбук Astroloshki Razgovori беше хакнат. Сега дава некое име на Литванец. Бидејќи тоа беше профил исклучително наменет за објавување на астролошки материјали, статуси и мислења, многу од постовите не ги објавив на блогот, кој требаше да биде моето првично објавувачко место. Оние кои го следеа Астролошки Разговори знаеја дека целата моја дејност и актвност со астрологија никогаш не беше од материјални побуди, туку исклучиво истражувачки. Евентуално некому да му се помогне нешто, со насоки за можностите. Неретко бев во голема агонија дека познавањето на астрологијата е залудно, затоа што ретко кому може реално да му се излезе во пресрет, ако работите му се запишани толку детерминистички, од што нема бегање. Не знам кому му пречев, не објавував сензитивни материјали во врска со пандемијата, не го провоцирав системот, но тоа е тоа, враќање назад нема, одиме понатаму.

Им благодарам на дечките од Агора – Слободен Ум, кои ми дозволија да објавам текст на нивната платформа, со кои се надевам дека ќе ја продолжиме соработката. Одвреме – навреме ќе објавувам по некој авторски текст за нивната страна и портал.

Ова прво обраќање за читателите на Слободен Ум ќе биде во духот на Мунданата Астрологија. Мундана Астрологија е астрологијата која ги анализира влијанијата на планетите врз случувањата во светот; отсекогаш ги побудувала моите најголеми интереси и ми била предизвик за анализа. За тоа треба да знаете многу историја, но и да ги следите вестите од светот. За да направите анализа за една држава, треба долго време да ги анализирате нејзините услови, политички фактори, социјални аспекти итн.

Нешто што го размислувам веќе неколку години е транзитот на Уран и светските случувања.

Уран е планета на новото, на нови револуционерни откритија, на технологијата. Уран е планета на иднината: неговите типови на луѓе се неразбрани, отфрлени и неретко исмејани од средината, затоа што тие не живеат во сегашноста – туку неколку денови, месеци или години во иднината. Живеејќи во иднината, тој насилно сака да ја промени сегашноста – преку револуција. Уран ги возбудува духовите на сите наоколу, а негови најголеми непријатели се реакционерните типови. Тој е против сѐ она што претставува тек, навика, рутина, шема, шаблон – тој тоа сака да го разурне.

Неретко се верува дека побудите на Уран се крајно алтруистички: слобода, човекољубие, рушење на секакво ропство. Но, не е секогаш баш така.

Транзитирањето на Уран низ секој знак носи огромни влијанија врз случувањата во светот, секој со својата аналогија. Во еден знак се задржува околу 7 години, доволно за одредени процеси да си го фатат својот тек. Сепак, мојот најголем аларм се разбуди кога го анализирав транзитот на Уран низ Бик.

Во Бик Уран е во изгон – таму не се чувствува добро. Бикот е материјалната стабилност, канализирани работи, едноставна рутина – сето тоа што овој го презира. Бикот е дрвото во земјата, а Уран е невремето и ураганот што сака да го искорени. Наједноставно кажано, тоа е конфликт на старото и реакционерно, со новото и револуционерно. Бик е земја, а Уран е разурнување – нема да погрешите ако ви падне на ум дека најголемите војни во светот се случиле кога Уран минувал низ Бик. Секако, имало војни и во други периоди, но овие се од големо значење затоа што го менуваат светот од корен. Секои 80 години, кога Уран влегува во Бик, се случува разврска на дотогашните текови на работите. Најчесто, тоа е судир на старото со новото. Ајде малку лекција од историја.

Крајот на 1935 година Уран влегол во Бик. Втората Светска Војна е само продолжение и разврска на Првата (кога Уран е во Водолија – војна за нафта и ресурс за новото превозно средство – автомобилот), сепак таа е најразурнувачкиот конфликт во историјата на човештвото. 1935 веќе е јасно дека Германија ќе оди во тотална војна, која многу накратко и се случува. Во Бик останува до почетокот на 1943 година – наредните две години до нејзиниот крај се само исходот од разурнувањата кои една војна со себе ги носи. Во Близнаци е разврската.

1851 е во Бик. Барам кој конфликт се случил тогаш – 1853- 1856 година се води Кримската војна, геостратешки конфликт, кој прераснал во конфликт од светски размери, воден со цел да се запре напредокот на Русија кон Средоземното Море. Западните „развиени“ земји помагаат на „заостанатата“ Отоманска Империја, која е во војна со „заостанатата“ Руска Империја. Тоа дотогаш е најкрвавиот конфликт некогаш војуван.

Покрај тоа, изминатиов период вниманието успеа да ми го сврти еден интересен документарец, „Украдена Историја“, во кој авторите сакаат да кажат дека од 1850 година низ светот почнале да се организираат „Светски Саеми“, во кои неретко покрај старите градби во големите градови, се граделе футуристички градби, наводно со лесни материјали, како дрво, гипс и слично, кои по извесно време на изложување – биле рушени. Авторите успеваат да докажат – или во најмала рака да разбудат еден голем основан сомнеж – дека во суштина биле рушени СИТЕ градби од тие изложбени саеми, и оние привремените, но и оние кои веќе постоеле на тие места долги години. Биле срушени многу грандиозни градби насекаде низ светот и избришана нивната трага дека некогаш воопшто постоеле – останале многу малку од старите градби да стојат до денеска, а од главнината останале само разгледници, по некоја фотографија или цртеж (но сепак доволно за сомнежот да биде поставен). Зошто? Се верува дека припаѓале на некоја унифицирана култура, распространета низ целиот свет, технички многу понапредна од она што денеска би можеле да го претпоставиме. Бил направен ресет – можеби требало да заборавиме дека таква култура воопшто постоела – и се околу неа срушено или избришано. Поентата на организаторите на рушењата најверојатно била раскрстување со старото време и старите традиции, и воспоставување на нови – времето треба да почне со нив. Интересно е што тој процес, кој траел и во почетокот на ХХ век, започнал токму кога Уран транзитира низ Бик – рушење, разурнување, демолирање…

Уран од Бик излегува во 1859 година, но тоа коинцидира со разврска на уште еден голем крвав конфликт – граѓанската војна во САД, во која наводно се судираат два концепти, на „новото и напредно“, наспроти „старото и заостанато“.

Интересно е што во подготовката на целиот процес на конфликт на „старо“ со „ново“ се „револуциите“ од 1848, три години пред Уран да влезе во Бик.

Уште еден интересен детал е смртта на над 12 милиони луѓе од чума, која се појавила во Кина и во Индија толку 1855 година…

Во 18ти век Уран во Бик коинцидира со Американската Револуционерна Војна, односно Американското (новото) отцепување од Британската Империја (старото). Ова е првиот сериозен удар кој дотогаш неприкосновената Британска Империја го претрпува, момент од кој нејзината моќ започнува да опаѓа. Значењето на отцепувањето на поранешната Британска колонија во посебна, сопствена држава наречена Соединети Американски Држави – го гледаме до денес.

Претходно во 1756 до 1763 година, иако Уран е во Овен, се случува Седумгодишната Војна, водена помеѓу Британија и сојузниците и Франција и сојузниците, која се смета за најголем конфликт дотогаш, со најмногу жртви, која го разорува Европскиот континент, но се водат војни и во колониите во остатокот од светот.

1684 – 1691 е наредниот период. Тука е растот на Луј XIV, Француско – Холандската војна, која претходи на транзитот Уран во Бик, а како централен настан го ставам Деветгодишната Војна, започната 1688 година – првата глобална војна, со дотогаш најголем број жртви, завојувани страни и разурнување… Особено за истакнување токму во тој период е Големата Турска Војна, започната 1683 година, опсадата на Виена од страна на Турците (стариот, „назаден“ свет) и победата на Хабсбуршката Монархија (новиот, „современ“ свет).

1517, точно кога Уран влегува во Бик, Мартин Лутер ја објавува Реформацијата. Реформацијата е еден од клучните моменти во расколот на западната црква – момент кој ќе доведе до многу крвави конфликти.

Големата чума од 1346 – 1353 и најголемата ударна смртност во 1349 – 1351 се совпаѓа со транзитот на Уран во Бик. Се претпоставува дека умреле и до 200 милиони луѓе – најголема смртност од нешто до сега, за така краток период.

Крстоносните војни почнуваат со транзитот на Уран низ Бик во 1098 година…

Ја сфаќате поентата. Секако дека војни, рушења и смртност имало и во другите периоди од историјата, но клучни настани, кои го одредувале текот на историјата се случувале токму кога Уран минувал низ Бик. Но, ајде да се вратиме во дваесеттиот и дваесет и првиот век.

1989 – 1996 Уран минува низ Јарец. Се распаѓаат комунистичките земји, се прави нова територијална поделба на светот (Јарец – земјен знак, терирорија, блокови).

1996 – 2003 Уран е во Водолија, во своето место. Се што е поврзано со Водолија, како технолошки напредок доаѓа до израз. Распространување на интернетот. Компјутеризација на светот. Појава на мобилните телефони.

Некако, од 2003 до 2019 годините поминаа незабележно. Не е едноставно да извлечете меродавни судови.

Точно во април 2019, Уран влегува во Бик. Една година подоцна се случува големата пандемија.

Во војна сме, иако можеби тоа не изгледа така. Во војна која на свој начин ќе биде доволно разорна како сите оние конфликти кои ги набројав хронолошки. Не исклучувам дека ќе има и вистинска, оружена војна. Меѓу Русија и Украина се заострува работата. Но, погледнете ја пандемијата. Пандемијата мислам дека е централниот дел на овој транзит на Уран низ Бик. Гледајте го лудилото што се форсира. Која е поентата? Треба да се разори старото, и да се отстапи место за новото. Што е тука старо? Што треба да се сруши? Досегашниот начин на живот, животот како што го познаваме. Веројатно, ние ќе се сеќаваме на „стариот начин“ на живот, но новите генерации веќе психолошки ќе го прифаќаат „новото нормално“. Што би било тоа? Злоупотребување на технологијата. Присилна компјутеризација (плаќање на шалтер? историска појава…). Термините за „слобода“ ќе имаат нови дефиниции и императиви – условена, „сертификатска“ слобода. Се редефинираат општествените норми на „вообичаеното“. Пораките на Светскиот Економски Форум не се нереална категорија, напротив! „Ќе нема да поседувате (Бик, имот) ништо („имањето“ разрушено од Уран), но ќе бидете среќни“. „Зелената агенда“ и исфрлање на фосилните горива од употреба и нивна замена со нови, „алтернативни“. Ја сфаќате поентата.

Каков исход предвидувам од целата приказна?

2026 ова лудило ќе заврши. Но, не пред да се случи некоја голема катастрофа. Можеби ќе следи вистинско „чипување“ – максимална злоупотреба на технологијата – наредна фаза на ваксиналните сертификати кои извесно време ќе бидат услов за движење и општо за егзистенција.

Ако има војна, ќе се води со најновите, досега неизвадени орудија кои земјите ги поседуваат.

„Друштвото“ кое стои зад оркестрацијата на пандемијава, како и сите „пропратни“ работи, најверојатно нема да успее комплетно да ја спроведе агендата (агендата 2030?!), но веројатно никогаш намерата не била комплетно да се спроведе нешто, туку процесот насилно да се започне. Можеби по 2026 повторно ќе уживаме во некаква каква-таква неусловена слобода со некакви пцр тестови или сертификати, но ќе мора да направиме компромиси (земете го фактот дека со фрлањето на атомската бомба заврши ВСВ, оттогаш повеќе не беше употребена ниту една, но заканата од нивното употребување остана до ден денешен) – компјутиризација и дигитализација, која ќе се спроведува на некој умерен, општо прифатлив начин. Како? Ќе бидеме сведоци наскоро.

Еден совет за побезболно пребродување на периодов: избришете го од главата „не ми се верува дека такво нешто може да се случи“. Отворете го умот и бидете спремни на сѐ – или ќе бидете фатени на кондиција да се уморите од количините „напредок“. Очекувајте сѐ.

Светот повеќе нема да биде ист, по 2026 година. Не се надевајте дека старото ќе се врати. Што се случуваше до сега од 2019 и во наредните 4 години, ќе биде сликата на светот во наредните 80, до наредното влегување на Уран во Бик…

Дали нешто ќе зависи од вас? Верувам дека секој индивидуално ќе може да промени голема доза на работи. Глобално? Тешко. Но, индивидуалната борба ќе биде клучна за интензитетот на импактот. До вас лично ќе биде дали ќе го прифатите официјалниот наратив, каков и да е тој… Каков и да бил 1940, или 1850…..

Дотогаш, сигурно ќе се прочитаме уште неколку пати и ќе споделиме уште искуства и совети како понатаму.

Астролошки Разговори

Карл I и Франц Јозеф I

Франц Јозеф I, претпоследниот Австриски Император, е роден во тотална Сончева Еклипса на 18 август 1830. Наследникот на тронот, неговиот син, извршува самоубиство. Следен во наследната линија е неговиот брат, кој бил егзекутиран во Мексико. Третиот брат умира пред него. Нареден во линијата на наследство е внук му Франц Фердинанд, кој е убиен во Сараево, чие убиство ја предизвикува Првата Светска Војна.

На крај, престолот оди кај наредниот внук-наследник, Карл I, последниот австриски император, роден нецел ден пред тотална Сончева Еклипса. Крунисан е на 30 декември 1916, неколку дена после Сончева Еклипса. По само 2 години владеење, монархијата на Хабзбурзите е укината, а тој и семејството протерано. Австрија станува република.

Карл умира на 1 април 1922, 3 дена после Еклипсата од 28 март...

Прашања кои немаат одговор

Многумина ме прашуваат "дали ќе го смениме името", "дали ќе опстане државата", "дали ќе о(п)стане оваа власт" и слично. Како да кажам, а да не се повторам? Ама ќе морам: на некои прашања, со кои човек е емотивно поврзан, тешко може да даде објективен одговор. Ако сакате сензации, читајте ги астролозите кои почнаа да пријавуваат скандалозни предикции, како атентати, казни од народот, од Путин и што уште не. Во таква квази астрологија јас нема да се вклучам.

Она што би можел да го направам е да го насочам своето и секако вниманието на обичниот љубител на астрологијата кон фактот дека од осамостојувањето, со државава доминантно владеат Венерини типови. Почнете од премиерите Кљусев, Црвенковски и Заев, како и лидерот на опозицијата и потенцијалниот иден премиер Мицковски (Ваги) и Глигоров и Иванов (Бикови), веројатно под влијание на асцендентот на државава (Бик). Тука се и оние, кои ја прекинаа низата, Груевски и Георгиевски (Девица и Јарец, земјени), под влијание на Сатурн кој владее со регионов, како и Трајковски (Рак), Костов (Шкорпија) и Бучковски (Стрелец), кои некако не се вклопуваа во астролошката компататибилност со државава.

Сатурн кој владее со Јарец има егзалтација во Вага; Бикот, Девицата и Јарецот - земјени, комотни и меѓусебно поврзани...

Па да го погледнеме понатаму овој аспект на толкување: Венерините типови се повеќе менаџери на затекнатото, земјените знаци - градење врз веќе постојното.

Во поновава историја нема револуционери како во минатото (Делчев, Груев, Герџиков - Водолии - револуција; Петров - Овен - една вистина; Шатев, Паница, Сарафов, Шанданов - Рак - родољубие; Александров, Протоѓеров, Матов, Узунов, Гули - Риби - свесна саможртва). Нема бескомпромисни водачи како порано (Ченто, Брашнаров - Лав - цврста волја без компромис, Карев, Татарчев - Стрелец - идеалите пред сѐ). И при најмала можност за појава на некој таков карактер, сѐ се прави неговото присуство да се релативизира. Впрочем, ако не е турбулентно време, како војна или друг вид на борба, во поднебје Јарец - таков не вирее, да се изразам народски. Секако, ова сето е шпекулативно, користам податоци кои ми одат во корист за докажување на сопствената поента.

Како единствен одговор на целава ситуација со која се соочуваме можам да го посочам фактот дека во денот на прогласување на државата, 8.9.1991, после 21 часот (не го земам 19, кој некои го земаат кога се затворија гласачките кутии на референдумот, туку самиот чин на прогласување на плоштад), Сатурн како владетел на 10. поле (а и на 9.!) стои во 10.поле - несреќа во (од!) власта, контролирана, несамостојна власт врз која влијаат реакционерни, стари, конзервативни поединци/кругови, деспотска, груба власт која користи секакви средства за неприкосновено да се одржува на позиција (во Водолија)... Нептун и Уран во 9. - нејасни (НЕ) и ненадејни, непредвидливи (УР) односи со странство, држава без цел и стратегија, без конкретна идеологија и ставови... На крај, Плутон во 7. - отворени, јасни, силни непријатели наоколу, во квадрат со Венера (народот на државава) - непријатели со јасни непријателски потези конкретно спрема народот... Крајно неповолни параметри, кои можат да донесат и до анулирање на државата. Кога? Како? Премногу емоции за конкретен одговор...

Со ова ќе се соочуваме постојано. Не е привремено. Од година до година - сѐ повеќе непријатно.

Решение? Мојот предлог е едноставен: конституирање на втора Македонска држава! Со внимателно одбрани аспекти, како Венера во 2., Јупитер во 9., Марс во 1., Сонце во 10... Ништо драматично околу тоа: за основачки датум на Франција не го сметаме 14 јули 1789, туку 4 октомври 1958, кога е воспоставена Петтата Република! Намерно или ненамерно - никој нема да ви потврди и да е така, а секој ќе ви се насмее или ќе ве исмее! Германија е 3 октомври 1990. Примерите со многу сериозни држави се бројни.

Секако дека ова е многу неверојатно дека ќе се случи. Сатурн во 10. кажува дека тоа никако не „зависи од народот“, никогаш овие 27 години не зависело од народот, како и дека народот, со ваква констелација, никогаш нема „да ги земе работите во свои раце“...

Пари

Финансиските прашања се една голема дилема за која многумина разрешница бараат во астрологијата. Астрологијата може да ви даде насока од каде да очекувате дека парите ќе дојдат, или пак што треба да направите за да ги заработите. Неретко, можеме да сметаме на одредена добивка кога во позитивен аспект ќе транзитираа Венера и Јупитер. Дури и негативниот значи пари, но значи и трошок. Транзит на добра планета низ 2. носи пари, исто онака како што транзит на лоша ќе значи загуба и оскудица.

Еве едно интересно видување на транзитот Јупитер-Венера, испреплетено со емотивен набој, еуфорична кулминација и разочарувачка перипетија, од која можеме да ги уочиме сите финеси на астрологијата: дека таа зависи не само од силината на аспектите, туку и од условите во кои тие се случуваат.

„Деновиве, на мое големо изненадување, имав прилика да заработам повеќе пари од вообичаеното. Не, не е од астрологија, за жал. Мојата љубов спрема астрологијата досега ниту еднаш ја немам наплатено.

Сакате да знаете од што? Од она што го работам на дневна основа. Не дека и тоа не го сакам, некаде еднакво со астрологијата, дури можеби и повеќе, но рутината убива и знае да гаси и оган и жар. Станувате роботи на својата живеачка. Да не ви кажувам колкава ми е платата, ќе се смеете. Јас се смеам.

Да бидеме попрецизни, надвор од очекувањата заработив неколку илјади денари. 2-3, не повеќе. Немојте, не се секирајте, не се збогатив. Плус, ангажман сум во проект кој допрва ќе биде платен. Уште илјадарка оттаму. Вау, навистина неколку неочекувани приливи. Плус, ги покрив тековните долгови; барем засега. Сѐ на сѐ, добро е, одамна немало (толкав!) плус.

Човече, што е работава бре? Од ангажманиве, па летото, па одморите, немам отворено астрологија. Вечерва отварам тоа Кеплерот кој пресметува сѐ на готово, и гледам крај на Август, почеток на Септември: Јупитер транзитира низ наталната Венера.

Но комент.

.........

А јас реков нешто се помести во мојата судбина. Реков, збогум сиромаштијо, сега проективе ќе се множат, ќе станат секојдневие, рутина, малце повеќе пари, малце повеќе благосостојба. Но не, добриот Јупитер решил да ми дојде врз Венера во едно сосема обично доба од животот, да ме начека неподготвен, да ме почести некоја илјадарка и да си оди од мојот живот за долго време, без да ми даде шанса да се соземам и да искористам нешто повеќе од ситуацијата. А што повеќе, се прашувам?!

Гледам, на 11-ти месецов сега Венера транзитира во добар аспект со наталниот Јупитер.

Ох, веројатно тогаш ќе земам плата. Неееееееее......... На што ми се потрошија најубавите аспекти.... На што?!

Значи, најдобриот можен транзит од цел хороскоп кој се случува еднаш на 11 години, мене ми донесе нешто помалку од 100 евра. Шит. Карма. Фала, не мораше толку многу. Да ти*ам тоа земјава, да бев некаде на друго место ќе заработев неколку илјади евра со проектите што ќе ми се намножеа. Е стварно ќе се збогатев таму, може и кола и нешто повеќе ќе купев. Знаете, во оние земји каде што плаќаат за трудот. Нормалните, не као оваа, у која најбољи аспект у цел зодијак ти носи п****ви 100 евра. Ха! Ни толку.

Да ти е**м све, ај ќе ги чекам да пројдат 11 години и ќе ги дочекам во подобри услови тогаш, се надевам, па коа ќе падне проект да падне јако. Ох!“

Македонија во 2017/2018

Уште од мојот претходен пост за падот на Груевски, некако чувствував дека би било дегутантно да пишувам само за фактот дека неговата власт ќе заврши. Дадов и предикција кога. И мене не ми се веруваше, како и на сите оние кои ме следеа во тие прогнози. Потоа, гледајќи ги астролошките параметри, не можев да поверувам дека ќе издржи да владее толку многу, до средината на годинава, дури после лошиот квартален од 21 март 2017. Дегутантно ми е да пишувам, откога веќе настаните се случија, дека Уран во 10. поле секогаш носи проблем за власта од насилен карактер, како што е примерот со настаните во Собранието од 27 април. Груевски издржа многу удари, дури со натчовечка сила. Немаше потреба. Со тоа само повеќе си ја предизвика негативната карма од Плутон во Зенит. Но, тој не можеше да оди против таа силовита моќ, која од обичен смртник го вивна во недогледните висини на власта и моќта, исто онака молскавично како што го тресна на земја и го доведе во состојба да се бори за својата слобода. Колку повеќе останува на било каква владејачка позиција, па дури и на позицијата на лидер во својата партија, толку повеќе штета ќе си прави себе, на оние околу него и она што сеуште ќе го води. Но, повторувам, тоа е посилно од него и тој не може против тоа. За таквите ликови пишува во историјата. Тој уште не го кажал последниот збор.

И не само во Македонија. Кармата ја делиме сите држави, положени на истиов меридијан. Скоро сите владејачки кругови се соочија со многу слични проблеми. Некои издржаа, некои не. Се зависи од личните хороскопи на лидерите на земјите; од тајмингот кога повлекуваа одредени потези. Ципрас се спаси, но во Грција не е сјајно. Албанија е во пат-позиција и безизлез од кризата, можеби по тежината на состојбата се едвај нешто се подобри од кај нас. Вучиќ мудро се спаси со тоа што си обезбеди 5 години како претседател, искористувајќи ги позитивните фактори од својот натал, исто како и Бојко Борисов, кој се провлече на изборите со 5% повеќе, наспрема про-руските социјалисти. Во Романија се протестираше. Во Полска исто така проблеми со протести за националистичката власт. Од почетокот на новиот квартал, каде Уран е во 10.=притисоци врз власта, како и точно на Зенит афлицирано Сонце=пад на власта, владата, проблеми за лидерот, претседателот, кралот, во Србија народот не издржа и излезе на протести против Вучиќ, Орбан за прв пат ретерираше од своите позиции и не го укина соросовиот универзитет, после масовните протести против него, дури и во едно Косово почнаа огромни насилни протести, пред некој ден падна владата и се распишаа нови избори. Очекувам, по следот на настаните, земајќи го во предвид фактот дека и Берлин е на истиот меридијан, Меркел да го доживее првиот пораз од Шулц.

Да се вратиме на Македонија. Груевски си оди, Заев доаѓа, тоа е повеќе од извесно. Но, немојте да мислите дека проблемите ќе исчезнат. Малку ќе се растера атмосферата на вкочанетост, вистина, ама неговите проблеми ќе бидат уште поголеми, затоа што тој треба да почне да го исполнува она што го ветил, а притоа соочувајќи се со апаратот кој Груевски му го остава зад себе. Ќе му биде многу тешко, екстремно. Нема да одам со преголеми и предалечни прогнози, ќе се јавувам одвреме-навреме, ако има некакво фајде од тоа.

Генерално, што не очекува?

Да не се залажуваме дека платите ќе скокнат веднаш. Може ќе потрае тој процес. Сонце е влад. на 2. во афликции=тотално празна каса. Ќе се соочиме со неможност за понатамошно задолжување. Големи маки за Заев, ќе мора да крпи со она што може; народот ќе очекува резултати, а опозицијата (ДПМНЕ) масовно ќе го поттикнува народот на радикални чекори (Уран во 10) и на протести, со што ќе предизвика прилично незадоволство поради тоа (90 Месечината=народ). Ако се повлече Груевски, можеби и ќе произлезе нешто од протестите, со некој нов, свеж лидер, но се сомневам. Марс е во 11.=ќе излезат на видело сите проблеми во фондовите за пензии и плати. Мислам дека Заев од тука ќе почне. Ќе биде шокантно она што ќе биде откриено, она кое тие веќе го знаат, од снимките, сега само ќе добие разврска. Уран (насилно), влад. на 8.(смрт), во опозиција со Јупитер (закони, судови, законодавни домови): смрт на некој судија? Осмо е и регенерација, во овој случај - реформа, како што ја најавува Заев?! Или тоа е она кое веќе го видовме во Собранието?! Од позитивните работи можам да кажам Јупитер (влад на 6., планета на странство) 60 Месечина (народ): ќе се отвори некоја голема инвестиција, на голема фирма, средување на состојбата со инвеститорите, работни места. Јупитер 60 Сатурн (влад на 7.=партнери): стабилизирање на состојбата со изолацијата. Веќе нема да не посетуваат само Вучиќ и Тачи (од Косово), земјава ќе го добие проевропскиот, прозападен ветер повторно. Уште повеќе, ќе следи инстантно деблокирање на интеграциите на Македонија со ЕУ и НАТО. Очекувам дури и некое забрзано интегрирање на земјава со ЕУ, дури можеби и членство, но нема да биде годинава, можеби наредната (верувам дека ЕУ сфати дека подобро мигрантски бран од Западен Балкан, отколку од Сирија, Авганистан или Бог-знае од каде). Концесијата која што ќе треба да ја направиме е некој неповолен договор (Плутон на Десцедент)=мигрантски кампови?!

Уште многу што би имало да се додаде. Како ги редам деталите, се повеќе аналогии ми се јавуваат. Но, чекор по чекор, да не се замориме уште на првиот пост. Треба да ги има уште могу повеќе.

Дотогаш, ви благодарам за искрените пораки и охрабрувања кои ги добив периодов. Мотивирачки се. Да, ќе продолжам и понатаму.